À Propos de IBI-Akademi

Istwa ak Vizyon nou

IBI-Akademi se yon branch nan Institution Béréenne Internationale (IBI) ki fèt ak yon sèl bi: marye konesans teknik ak valè espirityèl. Nou kwè ke pou yon moun reyisi tout bon vre, li pa sèlman bezwen yon diplòm nan men l, men li bezwen yon karaktè solid ak yon metye k ap pèmèt li itil tèt li ak kominote l.

Nan yon mond k ap chanje vit, nou vle bay chak jenn ak chak adilt posiblite pou yo fòme yo nan domèn modèn tankou teknoloji, administrasyon, ak metye manyèl, tout pandan n ap kenbe baz levanjil la kòm gid nou.

Misyon nou

Misyon nou se ofri yon edikasyon pwofesyonèl ki aksesib, modèn, epi ki pratik. Nou pa sèlman anseye teyori; nou prepare etidyan nou yo pou yo konprann mache travay la epi pou yo kapab kreye pwòp biznis pa yo (antreprenarya).